ஏரல் ஓடக்கரை தெருவை சேர்ந்த பிள்ளைமுருகன் மகன் லிங்கராஜ் (42) என்பவர் ஏரல் மெயின் பஜார் பகுதியில் சாமி அலங்கார பொருட்கள் விற்பனை செய்து கடை வைத்து தொழில் நடத்தி வருகிறார். இவர்களிடம் கடந்த 2018ஆம் ஆண்டு எட்டயபுரம் புங்கவர்நத்தம் பகுதியை சேர்ந்த அய்யாதுரை மகன் பாலசுப்பிரமணியன் (63) என்பவர் அறிமுகமாகி தான் ஒரு சாமியார் என்றும், தான் அருள் வாக்கு கூறுவதால் புங்கவர்ணத்தில் புதிய திருக்கோயில் ஒன்றை நிறைவேற்றி உள்ளதாகவும், அக்கோவிலில் விஷேச பூஜை செய்து பலருக்கு பணம் கொடுத்ததாகவும் நம்பிக்கை உள்ளது. தனது மனைவி பாண்டியம்மாள் (57) மற்றும் தனது மகன் அய்யாதுரை (27) ஆகியோரையும் லிங்கராஜிடம் அறிமுகப்படுத்தியுள்ளார். மேலும் அவர்கள் லிங்கராஜுக்கும் பூஜை செய்ய வேண்டும் என்றும், அப்படி செய்தால் தொழில் பெரிய அளவில் நடைபெறும் என்றும் ஆசை வார்த்தைகளை கூறியுள்ளார். அதை நம்பிய லிங்கராஜ் கடந்த 2018ஆம் ஆண்டு முதல் 2023ஆம் ஆண்டு வரை பல்வேறு தவணைகளாக ரூபாய் 38 லட்சம் பணத்தைக் கொடுத்துள்ளார். அதேபோன்று மேற்படி லிங்கராஜின் நண்பரான ஆனந்தகுமார் என்பவருக்கும் ரூபாய் 29 லட்சம் பணத்தையும் பாலசுப்பிரமணியத்திடம் கொடுத்துள்ளார். அதனைத் தொடர்ந்து லிங்கராஜ் பாலசுப்பிரமணியன் மற்றும் அவரது குடும்பத்தாரை தொலைபேசியில் தொடர்பு கொண்டு அவர்களின் தொலைபேசி எண்ணை விட்டு தலைமறைவாகிவிட்டது தெரிய வந்துள்ளது.

இதனையடுத்து லிங்கராஜூம் அவரது நண்பர் ஆனந்தகுமார் என்பவரும் எட்டயபுரம், புங்கவர்நதத்திற்கு வந்து மேற்படி எதிரிகளை பலமுறை தேடியும் கண்டுபிடிக்க முடியவில்லை என்றும், அங்கு விசாரித்ததில் அவர் போல் சிவகங்கை மாவட்டத்தைச் சேர்ந்த பாண்டியன் என்பவரிடம் 27 லட்சமும், மாரிமுத்து என்பவரிடம் 10 லட்சமும், இருளப்பன் என்பவரிடம் 7 லட்சமும், எட்டயபுரத்தைச் சேர்ந்த மாரிகண்ணு, சாந்தி என்பவரிடம் 5 லட்சமும் 17 லட்சமும், திண்டுக்கலை சேர்ந்த பாலமுருகன் என்பவரிடம் 10,60,000/-மும், கமலக்கண்ணனிடம் 16 லட்சமும், மாரியம்மாளிடம் ரூ. 29,40,000/-மும், திருமலைச்சாமியிடம் 40 லட்சம் ரூபாய் பணத்தையும் சேர்த்து மொத்தம் 2 கோடியே 29 லட்சம்/- பணத்தை ஆசை வார்த்தை கூறியும், மோசடி செய்துவிட்டு தலைமறைவாகிவிட்டது தெரியவந்துள்ளது. இதுகுறித்து லிங்கராஜ் மாவட்ட காவல் கண்காணிப்பாளர் அவர்களிடம் புகார் அளித்துள்ளார்.

புகாரின் அடிப்படையில் மாவட்ட காவல் கண்காணிப்பாளர் ஆல்பர்ட் ஜான் இ.கா.ப உத்தரவின்படி மாவட்ட குற்றப்பிரிவு காவல் துணை கண்காணிப்பாளர் ராஜு, மேற்பார்வையில் மாவட்ட குற்றப்பிரிவு காவல் ஆய்வாளர் லெட்சுமி பிரபா தலைமையில் சார்பு ஆய்வாளர் நிவேதா, சிறப்பு சார்பு ஆய்வாளர் மோகன் ஜோதி மற்றும் தலைமை காவலர் வேல்ராஜ் ஆகியோர் தீவிர விசாரணை மேற்கொண்டு வருகின்றனர். அய்யாதுரை ஆகிய இருவரையும் கைது செய்து சிறையில் அடைத்தனர்.

மேலும் இதுகுறித்து மாவட்ட குற்றப்பிரிவு போலீசார் தொடர்ந்து விசாரணை நடத்தி வருகின்றனர்.