தூத்துக்குடி அருகே புதியம்புத்துார் தெற்கு தெருவை சேர்ந்த இசக்கிமுத்து, 25, அதே பகுதியை சேர்ந்த நல்லமுத்து, 22, ஆகிய இருவரும் சமூக வலைதளங்களில், ரீல்ஸ் வீடியோ வெளியிடுவது வழக்கம். இந்நிலையில், புதியம்புத்துார் காவல் நிலையத்திற்கு துப்புரவு பணிக்காக 13ம் தேதி சென்றுள்ளனர்.
வேலை முடிந்தது கூலியை வாங்கிய அவர்கள், காவல் நிலைய வாசலில் இருந்து வெளியே வருவது போல போனில் வீடியோ எடுத்து அந்த சினிமா பாடல்களின் பின்னணியில் ஒலிக்கும் வகையில் சமூக வலைதளங்களில் ரீல்ஸ் வெளியிட்டுள்ளனர். சிறிது நேரத்தில் அந்த வீடியோ அனைத்து சமூக ஊடகங்களிலும் வைரலானது இதுகுறித்து புகாரின்பேரில் அவர்களை போலீசார் நேற்று கைது செய்தனர். அனுமதியின்றி காவல் நிலையம் முன்பு வீடியோ எடுக்கக் கூடாது என உத்தரவு பிறப்பிக்கப்பட்டுள்ள நிலையில், அதை மீறியதாக அவர்களைக் கைது செய்துள்ளதாக போலீஸார் தெரிவித்தனர்.
