தூத்துக்குடி மாவட்டம், மேல ஆழ்வார் தோப்பு கிராம உதயம் சார்பில், பொருளாதார குடும்பங்களை உருவாக்க, நாம் செய்ய வேண்டிய கடமைகள் குறித்த ஒரு நாள் விழிப்புணர்வு கருத்தரங்கு ஏரலில் நடைபெற்றது.
இந்நிகழ்ச்சிக்கு கிராம உதயம் நிறுவனரும், இயக்குனருமான முனைவர் வி.சுந்தரேசன் தலைமை தாங்கி, பயிற்சியை தொடங்கி வைத்தார். நிர்வாக கிளை மேலாளர் ஏ.வேல்முருகன் முன்னிலை வகித்தார். பகுதி பொறுப்பாளரும், தன்னார்வ தொண்டருமான முருகசெல்வி வரவேற்றார். பகுதி பொறுப்பாளர்கள் கே.கண்ணன், ஆறுமுகவடிவு, ஆனந்தசெல்வன், லிஜியா, தன்னார்வ தொண்டர்கள் முருகேஸ்வரி, ஜோஸ்பின் மேரி சுயம்புகனி, ஆவுடையம்மாள், தனலட்சுமி, பேச்சியம்மாள், ஜெயசக்தி, சங்கர வடிவு (எ) சுமதி, முத்துமாரி உள்ளிட்டோர் கலந்து கொண்டனர்.
தன்னார்வ தொண்டர் பிரேமா நன்றி கூறினார். மங்கலகுறிச்சி, வாழவல்லான், உமரிக்காடு, சிறுத்தொண்ட நல்லூர், ஆறுமுகமங்கலம், சேதுவாய்க்கால் மற்றும் ஏரல் ஆகிய பகுதிகளில் இருந்து 200க்கும் மேற்பட்ட பெண்கள் இப்பயிற்சியில் கலந்து கொண்டு பயன் பெற்றனர்.
_____________________________
செய்தியாளர்/ இசக்கி முத்து
